ФИЗИКАНЫ ОҚЫТУДА МОБИЛЬДІ ҚОСЫМШАНЫ ПАЙДАЛАНУ

Abstract

Қарқынды дамып келе жатқан ғылым мен техника жаңа мамандарды даярлау процесінде түбегейлі өзгерістерді қажет етеді. Өзгерістер мүмкіндігінше тезірек енгізілуі керек, ең бастысы, хабарлама мұғалімдерге де, оқушыларға да қарапайым қазақ тілінде жеткізілуі керек. Негізгі кедергі-жаңа технологиялардың кеңінен енуіне қарамастан, білім беру саласындағы технологиялық және ақпараттық интеграцияның айтарлықтай артта қалуы. Компьютерлік технологиялар пайда болғанға дейінгідей, оқу орындарының басым көпшілігі баспа материалдарын ақпарат көзі ретінде, ал дәптерлерді өздік жұмыс құралы және ақпаратты көрнекі түрде көрсетуге арналған тақта ретінде пайдаланады. Бұл мақалада біз физиканы оқыту үшін осы технологияларды қолдану бойынша зерттеулерімізді сипаттаймыз. Бір жағынан біз дәстүрлі оқытуды толықтыру және оқушыларға  көмектесу үшін мобильді қосымшаларды пайдаланамыз. Бұл қосымшаларды пайдалану  физика эксперименттеріндегі өлшеу құралдарын  жобалау мүмкіндігін ашады және қымбат материалды алмастыруға мүмкіндік береді.