PROSES İDARƏETMƏSİNİN KONSEPTUAL YANAŞMALARININ BİZNESDƏKİ ROLU

Abstract

Müasir biznes mühitində rəqabət qabiliyyətinin artırılması, idarəetmə sistemlərinin çevikliyi və səmərəliliyi ilə sıx bağlıdır. Bu baxımdan, proses idarəetməsinin konseptual yanaşmaları müəssisələrin strateji və operativ fəaliyyətində mühüm rol oynayır. Proses yönümlü idarəetmə modeli, müəssisənin bütün funksional sahələrini əlaqələndirməklə, qərarların daha düzgün və tez qəbul olunmasına şərait yaradır. Bu modeldə əsas diqqət biznes proseslərinin optimallaşdırılmasına, resurslardan daha səmərəli istifadəyə və nəticəyönümlü fəaliyyətin təşkilinə yönəlir.

Araşdırmada proses idarəetməsinin müxtəlif konsepsiyaları – o cümlədən vertikal və horizontal abstraksiyalar, funksional modelləşdirmə və informasiya texnologiyalarının tətbiqi nümunələri təhlil edilmişdir. Azərbaycanda biznes sektorunda bu yanaşmaların tətbiqi həm idarəetmə keyfiyyətinin yüksəldilməsinə, həm də iqtisadi göstəricilərin yaxşılaşdırılmasına səbəb olur. Müasir dövrdə rəqəmsallaşmanın artması ilə bu yanaşmaların əhəmiyyəti daha da yüksəlmiş, proseslərin avtomatlaşdırılması və nəzarət mexanizmlərinin təkmilləşdirilməsi zərurətə çevrilmişdir.

Aparılmış tədqiqat nəticəsində aydın olmuşdur ki, proses idarəetməsinin konseptual yanaşmaları müəssisələrin fəaliyyətində çeviklik, şəffaflıq və innovasiya meyillərinin formalaşmasında əsaslı rol oynayır və bu sahədə davamlı təkmilləşmə uğurlu biznesin əsas şərtlərindəndir.