Зеренді ауданының киелі жерлері туралы аңыздардың тәрбиелік мәні

Abstract

Ақмола облысы тарихы мен мәдениеті жағынан бай, киелі орындарға толы аймақ болып саналады. Зеренді ауданы бойынша 12 киелі жер аймақтық маңызы бар киелі жерлер тізіміне енген болатын. Әрбір киелі жердің аңызы бар, бұл жерлерге адамдар зиярат жасап, ниеттеніп келушілер саны артып келеді. Дертіне дауа іздеп, арман, мақсаттарына жету үшін халық наным-сеніммен киелі жерге келеді. Рухы биік халқымыз әрбір киелі жерлерін қасиетті санайды.

Қазақстан — ғасырлар бойы тарихи, мәдени және рухани құндылықтарды сақтап келген ұлттық бейнесі. Біздің еліміздің кең құшағында көптеген киелі жерлер бар. Олар тек тарихымызды ғана емес, сонымен қатар тұлғаларымыздың рухын, мәдениетін, болашағын айқындайтын маңызды объектілер болып табылады. Осы жерлердің әрқайсы өз тарихымен, аңыздарымен және халықтың өміріне енгізген үлесімен ерекшеленеді.