Fransız və İngilis Dillərində Mənsubiyyət Sifətlərinin Müqayisəli Təhlili

Abstract

Mənsubiyyət sifətləri (fr. adjectifs possessifs, ing. possessive adjectives) dilin qrammatik sistemində mühüm yer tutan nitq hissələrindən biridir. Onlar əşyaların və anlayışların kimə və ya nəyə aid olduğunu bildirir, sintaktik olaraq müəyyənləşdirici funksiya daşıyır.

Fransız və ingilis dillərində bu sifətlər funksional baxımdan oxşardır, lakin morfoloji quruluş, uyğunlaşma qaydaları və istifadədə ciddi fərqlər müşahidə olunur (Grevisse, 2016, s. 225; Swan, 2016, s. 143). Bu səbəbdən mövzunun həm nəzəri, həm də tətbiqi dilçilik baxımından araşdırılması zəruridir.