Қазақстандағы инвестициялық саясат және оның әлеуметтік-экономикалық әсері

Abstract

Қазіргі жаһандану жағдайында ұлттық экономиканың тұрақты дамуы мен бәсекеге қабілеттілігін қамтамасыз етуде инвестициялық саясаттың орны ерекше. Инвестиция – тек капитал құю ғана емес, ол жаңа технологияларды енгізу, жұмыс орындарын ашу, өндіріс тиімділігін арттыру және халықтың әл-ауқатын көтеру тетігі болып табылады. Қазақстан тәуелсіздік алғаннан бері инвестиция тартуды стратегиялық басымдық ретінде қарастырып келеді.

2025 жылғы 8 қыркүйекте Қазақстан Республикасының Президенті Қасым-Жомарт Тоқаев Қазақстан халқына дәстүрлі Жолдауын жариялап, елдің алдағы жылдардағы стратегиялық даму бағытын айқындады. Жолдаудың негізгі өзегі – цифрландыру, жасанды интеллектті дамыту, халықаралық бәсекеге қабілеттілікті арттыру және инвестициялық саясатты түбегейлі жаңғырту болды.