Stem технологиясын жаратылыстану пәндерінде пайдалану

Abstract

             Қазіргі уақытта әлемде технологиялық өзгерістер болып жатыр. Жаңа ақпараттық қарқынның дамуы,технологиялық инновациялар мен әдістемелер біздің өміріміздің барлық салаларын қамтып жатыр. Осыған орай, қоғам сұранысы да, жеке тұлғаның қызығушылықтары да өзгеруде .Қазіргі заманғы тез өзгеретін әлем адамзатқа барлық жаңа міндеттерді қояды және оларды шешу заман талабы.

            Білім берудегі заманауи инновациялық процесстер сияқты STEM-білім беру цифрлы заманда ғылыми әдістемелік негізде пайдалануға болатын оқыту платформасы болып саналады. Ғылым,математика,технологиялар және инженерия сияқты басты академиялық салаларды, әлемдік білім жүйесіндегі STEM (science,technology,engineering and mathematics)деген сөзбен біріктіріп атайды.

           STEM-технологиясын пайдалана отырып білім беру-бұл оқушылардың топтық және жобалық  жұмысын,  оқытушының көмегін, заманауи технологиялық жабдықтарды  бірнеше ғылымдар мен оқу пәндерін кіріктіре отырып шығармашылық пен шығармашылықты қамтитын ерекше тәсіл.

           STEM-технологиясымен оқыту бірнеше кезеңнен тұрады: сұрақ (тапсырма), талқылау, дизайн, құрылым, тестілеу және дамыту. Бұл ретте, әртүрлі мүмкіндіктердің қатар қолданылуы  шығармашылық пен инновацияның негізі болып табылады. Демек , ғылым мен технологияны бір уақытта зерттеу және қолдану көптеген жаңа инновациялық жобаларды жасай алады.