AQRAR SAHƏDƏ İNFORMASİYA TEXNOLOGİYALARININ TƏTBİQİ İLƏ İNNOVATİV İNKİŞAF İMKANLARI

Abstract

Məqalədə aqrar sahədə müasir informasiya texnologiyalarının tətbiqinin əhəmiyyəti, onların innovativ inkişafın təmin edilməsində rolu və aqrar istehsalın səmərəliliyinə təsiri kompleks şəkildə nəzərdən keçirilir. Məqalədə ilk növbədə aqrar sektorun inkişafında rəqəmsallaşmanın rolu, informasiya texnologiyalarının kənd təsərrüfatında tətbiqinin nəzəri əsasları və bu texnologiyaların iqtisadi səmərəliliyə təsiri araşdırılır.

Həmçinin informasiya texnologiyalarının tətbiqi nəticəsində yaranan innovativ inkişaf imkanları, o cümlədən resurslardan səmərəli istifadə, istehsal xərclərinin azaldılması, məhsul keyfiyyətinin yüksəldilməsi, aqrar logistika və bazar münasibətlərinin rəqəmsallaşdırılması kimi məsələlər nəzərdən keçirilir. Bununla yanaşı, dünya təcrübəsində aqrar sahədə informasiya texnologiyalarının tətbiqi nümunələri araşdırılır və bu təcrübələrin milli aqrar sektora uyğunlaşdırılması imkanları qiymətləndirilir.