NİTQİN TANINMASI TEXNOLOGİYALARININ MÜASİR TƏTBİQ SAHƏLƏRİ

Abstract

Nitqin tanınması texnologiyaları müasir informasiya cəmiyyətində insan–kompüter qarşılıqlı əlaqəsinin mühüm istiqamətlərindən biri kimi formalaşmışdır. Süni intellekt və Maşın öyrənməsi sahələrində əldə olunan nailiyyətlər nəticəsində nitqin avtomatik tanınması sistemləri daha yüksək dəqiqlik, sürət və adaptivlik qazanmışdır.

Bu baxımdan tədqiqatın məqsədi nitqin tanınması texnologiyalarının müasir tətbiq sahələrini sistemli şəkildə təhlil etmək, onların funksional imkanlarını, üstünlüklərini və məhdudiyyətlərini müəyyənləşdirməkdən ibarətdir.

Müasir dövrdə bu texnologiyalar mobil tətbiqlərdə və səsli köməkçilərdə (məsələn, Siri, Google Assistant), səhiyyədə tibbi sənədləşmə və diaqnostika proseslərində, təhsildə onlayn öyrənmə mühitlərində, bank sektorunda biometrik identifikasiya sistemlərində, avtomobil sənayesində səsli idarəetmədə və çağrı mərkəzlərində geniş tətbiq olunur. Bu isə əməliyyat səmərəliliyinin artırılmasına və istifadəçi təcrübəsinin yaxşılaşdırılmasına səbəb olur.

Nəticə etibarilə, nitqin tanınması texnologiyaları rəqəmsal transformasiyanın əsas komponentlərindən biri kimi qalır və gələcəkdə daha geniş tətbiq sahələrinə malik olması, bu çərçivədə insan–texnologiya qarşılıqlı əlaqəsinin daha da təkmilləşdirilməsi gözlənilir.