CİHAZQAYIRMA MÜƏSSİSƏLƏRİNDƏ MALİYYƏ GÖSTƏRİCİLƏRİNİN HESABLANMASI ÜZRƏ MÜASİR İNFORMASİYA SİSTEMLƏRİ

Abstract

Cihazqayırma müəssisələrində maliyyə göstəricilərinin hesablanması istehsal proseslərinin iqtisadi səmərəliliyinin qiymətləndirilməsi və idarəetmə qərarlarının əsaslandırılması baxımından mühüm elmi-praktik əhəmiyyət daşıyır. Müasir şəraitdə rəqəmsal transformasiya bu sahədə ənənəvi uçot və hesablama yanaşmalarını əvəz edərək, informasiya sistemləri əsasında inteqrasiya olunmuş maliyyə idarəetmə mühitinin formalaşmasına şərait yaradır. ERP, BI və bulud texnologiyalarına əsaslanan sistemlər müəssisənin maliyyə axınlarının mərkəzləşdirilmiş idarə olunmasını təmin edir və analitik imkanları genişləndirir.
Tədqiqatın məqsədi cihazqayırma müəssisələrində maliyyə göstəricilərinin hesablanmasında müasir informasiya sistemlərinin tətbiqinin nəzəri və praktiki əsaslarını araşdırmaq, həmçinin bu sistemlərin idarəetmə səmərəliliyinə təsirini qiymətləndirməkdən ibarətdir.
Tədqiqat zamanı sistemli yanaşma, müqayisəli təhlil kimi metodlardan istifadə edilmişdir. Bundan əlavə, müasir ERP və BI platformalarının funksional arxitekturası öyrənilmiş, onların tətbiqi təhlil olunmuşdur.