ҚАЗАҚ ТІЛІН МЕҢГЕРУ ДЕҢГЕЙІН БАҒАЛАУДА ЖАСАНДЫ ИНТЕЛЛЕКТТІ ПАЙДАЛАНУ

Abstract

Қазіргі таңда білім беру саласында цифрлық технологиялар мен жасанды интеллект құралдарын тиімді пайдалану оқу үдерісін жетілдірудің маңызды бағыттарының біріне айналып отыр. Әсіресе тіл үйрету барысында білім алушының жеке ерекшеліктерін ескеру, оқу жетістігін жедел бағалау және кері байланысты уақытылы ұсыну маңызды болып саналады. Осы тұрғыдан алғанда, жасанды интеллект қазақ тілін меңгеру деңгейін бағалаудың жаңа мүмкіндіктерін қалыптастырады. Мақалада қазақ тілін меңгеру деңгейін анықтауда жасанды интеллект технологияларын қолданудың мүмкіндіктері, артықшылықтары және тиімді бағалау бағыттары қарастырылады. Сонымен қатар AI құралдары арқылы оқушының лексикалық қоры, грамматикалық сауаттылығы, оқылым, жазылым, тыңдалым және айтылым дағдыларын бағалау жолдары сипатталады.

Бүгінгі білім беру жүйесінде оқушының білімін бағалау тек қорытынды нәтиже шығарумен шектелмей, оның оқу барысындағы жетістіктерін бақылауға, қиындықтарын анықтауға және әрі қарайғы даму бағытын белгілеуге негізделуі қажет. Қазақ тілін үйрету үдерісінде де бағалау жүйесінің сапасы ерекше маңызға ие. Себебі тіл меңгеру деңгейін анықтау кезінде білім алушының тек грамматикалық ережелерді білуі ғана емес, сонымен қатар сөздік қоры, мәтінді түсінуі, өз ойын жазбаша және ауызша жеткізе білуі сияқты бірнеше тілдік дағдысы қатар ескеріледі.