MÜƏLLIMLƏRIN DIL QAYDALARININ TƏDRISI ILƏ BAĞLI ÜZLƏŞDIYI ÇƏTINLIKLƏR VƏ METODOLOJI HƏLLƏR

Abstract

Müəllimlərin dil qaydalarının tədrisi ilə bağlı üzləşdiyi çətinliklər əsasən üç istiqamətdə cəmləşir: dil qaydalarının mürəkkəbliyi, tələbələrin fərqli öyrənmə tərzləri və motivasiya səviyyəsi, həmçinin resursların və metodların məhdudluğu. Birinci çətinlik olaraq dil qaydalarının mürəkkəbliyi, tələbələrdə anlamanın çətinləşməsi ilə nəticələnir, xüsusilə də qrammatika qaydalarının istisnaları çox olan dillərdə bu daha qabarıq şəkildə müşahidə olunur. İkinci əsas çətinlik tələbələrin fərqli öyrənmə tərzlərindən qaynaqlanır, bu isə müəllimləri bir-birindən fərqli metodlarla yanaşmağa vadar edir. Tələbələrin bəziləri vizual, bəziləri isə dinləmə vasitəsilə daha yaxşı öyrənir, bu da dərslərin fərdiləşdirilməsini tələb edir. Üçüncü problem isə tədris resurslarının məhdud olmasıdır ki, müəllimlər bəzən müasir texnologiya və interaktiv metodlardan istifadə edə bilmirlər. Bu problemləri aradan qaldırmaq üçün metodoloji həllər arasında oyun əsaslı öyrənmə metodları, vizual və interaktiv tədris vasitələrinin istifadəsi, həmçinin tələbələrin öyrənmə prosesinə daha çox cəlb olunmasına yönəlik strategiyalar mühüm rol oynayır.