Репродуктивті жастағы әйелдер арасындағы жүктілікке дейінгі күтім және оның жүктілік пен перинаталдық нәтижелерге әсері: жүйелі шолу

Abstract

Кіріспе: Прегравидарлық дайындық (жүктілікке дейінгі күтім) әйелдердің өмір салтын, тамақтануын және денсаулық жағдайын жақсарту арқылы жүктілік пен перинаталдық нәтижелерді оңтайландыруға бағытталған. Соңғы жылдары бұл бағытқа қызығушылық артқанымен, оның жалпы жүктілік нәтижелеріне әсері туралы дәлелдер әркелкі.

Мақсаты: Бұл жүйелік шолудың мақсаты – репродуктивті жастағы әйелдерде прегравидарлық дайындықтың жүктілік және перинаталдық нәтижелерге әсерін бағалау.

Әдістер: PRISMA нұсқаулығына сәйкес PubMed, Scopus, BMJ Evidence-Based Medicine , BMC Pregnancy and Childbirth дерекқорларында зерттеулер талданды. Интервенциялар ретінде тамақтану, кеңес беру, физикалық белсенділік және өмір салтын өзгерту бағдарламалары қарастырылды.

Нәтижелер: Көптеген зерттеулер прегравидарлық интервенциялардың гестациялық диабет, преэклампсия және мерзімінен бұрын босану қаупін төмендететінін көрсетті. Сонымен қатар, нәрестенің салмағының қалыпты деңгейде болуына және жалпы жүктілік нәтижелерінің жақсаруына әсері байқалды.

Қорытынды: Прегравидарлық дайындық жүктілік және перинаталдық нәтижелерді жақсартуда маңызды рөл атқарады. Дегенмен, кешенді және ұзақ мерзімді зерттеулер қажет.