COP29: Qlobal İqlim böhranına qarşı mübarizədə yeni imkanlar və Azərbaycanın rolu

Abstract

Bu məqalə COP29-un qlobal iqlim siyasətindəki əhəmiyyətini və Azərbaycanın bu tədbirdə tutduğu rolu arașdırır. Sammit iqlim diplomatiyasının gücləndirilməsi, karbon emissiyalarının azaldılması, yaşıl enerji keçidinin sürətləndirilməsi, maliyyə mexanizmlərinin təkmilləşdirilməsi və ədalətli keçid prinsiplərinin tətbiqi baxımından əhəmiyyətli bir mərhələ kimi qiymətləndirilir. Sammitin əsas hədəfi ölkələrin öhdəliklərini gücləndirmək, iqlim maliyyələşməsini artırmaq, və Paris Sazişi çərcivəsində müəyyən olunmuş məqsədlərin həyata keçirilməsini təmin etməkdir. COP29 beynəlxalq miqyasda iqlim böhranı ilə mübarizədə yeni imkanlar açaraq, həm maliyyə, həm də siyasi baxımdan mühüm nəticələr ortaya qoymuşdur. Məqalədə sammitin gündəliyində duran əsas məsələlər-karbon emissiyalarının azaldılması, yaşıl enerji keçidi, maliyyə mexanizmləri, ədalətli keçid prinsipi, beynəlxalq əməkdaşlıq və Azərbaycanın ekoloji siyasəti geniş şəkildə təhlil edilmişdir