ЖОҒАРЫ СЫНЫП ОҚУШЫЛАРЫН ИРРАЦИОНАЛ ТЕҢДЕУЛЕР, ТЕҢСІЗДІКТЕР ЖӘНЕ ОЛАРДЫҢ ЖҮЙЕЛЕРІН ШЫҒАРУҒА ДАЙЫНДАУ ӘДІСТЕМЕСІНІҢ МАҢЫЗЫ

Abstract

            Қазіргі мектеп математика курсында иррационал теңдеулер мен теңсіздіктерді шешу мәселесі жоғары сынып оқушыларының логикалық ойлауын, аналитикалық қабілетін және күрделі есептерді шығару дағдыларын қалыптастыруда ерекше орын алады. Иррационал өрнектер қатысатын теңдеулер мен теңсіздіктер оқушылардан тек формулаларды механикалық қолдануды емес, сонымен қатар анықталу облысын дұрыс белгілеуді, теңбе-тең түрлендірулерді орынды жүргізуді және алынған нәтижелердің дұрыстығын тексеруді талап етеді.Зерттеу барысында жоғары сынып оқушыларын иррационал теңдеулер, теңсіздіктер және олардың жүйелерін шешуге дайындаудың әдістемелік негіздері қарастырылды. Иррационал есептерді шешу оқушылардың математикалық мәдениетін арттырумен қатар, олимпиадалық және ҰБТ тапсырмаларын орындаудағы жетістіктеріне тікелей ықпал ететіні анықталды.[1] Мақалада иррационал теңдеулерді шешудің негізгі тәсілдері, соның ішінде түбірден құтылу әдісі, алмастыру әдісі, функциялық тәсіл, теңсіздіктерді интервал әдісі арқылы шешу жолдары және жүйелерді шешудегі ерекшеліктер талданды. Сонымен қатар, есептерді шешу барысында жиі кездесетін қателіктердің алдын алу мақсатында оқушылардың рефлексиялық және тексеру дағдыларын дамыту қажеттілігі атап өтілді.Зерттеуде математикалық талдаудың кешенді әдістері қолданылды: есептердің құрылымын сипаттамалық талдау, шешу жолдарын салыстырмалы әдіс арқылы анықтау, оқу тапсырмаларын деңгейлеп ұсыну, сондай-ақ оқушылардың дайындық деңгейін бақылауға арналған педагогикалық эксперимент нәтижелері қарастырылды.Нәтижесінде жоғары сынып оқушыларын иррационал теңдеулер мен теңсіздіктерді шешуге дайындау әдістемесін жетілдіру оқу процесінің тиімділігін арттырып, оқушылардың математикалық сауаттылығын тереңдетуге мүмкіндік беретіні дәлелденді.[2]