BUĞDA ÇÖRƏYİNİN TƏZƏLİYİNİN QORUNMASINDA DARÇIN EKSTRAKTININ TƏBİİ KONSERVANT KİMİ TƏTBİQİ

Abstract

Bu tədqiqat işi buğda çörəyinin təzəliyinin qorunması məqsədilə darçın ekstraktının (Cinnamomum verum) təbii konservant kimi tətbiqinin effektivliyini araşdırır. Müasir istehlakçıların sintetik konservantlara qarşı ehtiyatlı mövqeyi və təbii komponentlərə üstünlük verməsi çörək sənayesində bioinnovativ texnologiyaların inkişafını zəruri etmişdir. Tədqiqatda iki çörək nümunəsi – kontrol (K) və 0,5% darçın əlavəli (D) – eyni resepturada hazırlanmış, hər iki nümunədə nəmlik və turşuluq göstəriciləri standart laboratoriya metodları ilə təyin edilmişdir.
Eksperimental nəticələrə əsasən, darçınlı nümunədə nəmlik 38,506% (105°C-də qurutma), turşuluq 2,6°N (0,1 n NaOH titrləmə) təşkil etmişdir. Kontrol nümunədə müvafiq göstəricilər 39,8% və 2,9°N olmuşdur. Hər iki nümunə AZS 18-71-2014 standartına uyğundur. Darçınlı nümunə xarakterik aroma və qızılı qəhvəyi qabıq rəngi ilə fərqlənmişdir. Beləliklə, darçın ekstraktının 0,5% dozasında tətbiqi həm elmi, həm də praktiki baxımdan səmərəli yanaşmadır.