MÜASİR CƏMİYYƏTDƏ VİRTUAL ÜNSİYYƏT VƏ EMPATİYA

Abstract

Məqalədə müasir kommunikasiya vasitələrinin başqalarının emosional vəziyyətini anlamaq və hiss etmək qabiliyyətinin (empatiyanın) formalaşmasına necə təsir etdiyi araşdırılır. Məqalədə onlayn ünsiyyət mühitinin insanların, xüsusilə gənclərin empatik bacarıqlarına təsiri haqqında mövcud elmi mənbələrdə yer alan ziddiyyətli yanaşmalar tədqiq edilərək ümumiləşdirilmişdir. Tədqiqatlarda iddia edilir ki, sosial dərketmənin sağlam inkişafı üçün onlayn ünsiyyət formaları ilə canlı münasibətlər arasında düzgün tarazlıq qorunmalıdır. Tədqiqat çərçivəsində gənclərin və humanitar sahədə təhsil alan tələbələrin üstünlük verdikləri ünsiyyət vasitələrindən (üzbəüz görüşlər, sosial platformalar, telefon zəngləri, videozənglər və internet resursları) asılı olaraq empatik göstəricilərinin necə dəyişdiyi təhlil olunmuşdur