Химия сабағында дифференциациялық оқыту әдісі арқылы оқушылардың академиялық тілін дамыту

Abstract

9 «В» сыныбында «Химиялық реакцияның жылдамдығына әсер етуші факторларды зерттеу» тақырыбында сабақ өткіздім. Қалыптастырушы және жиынтық бағалау жұмыстарын сараптау барысында үш оқушының – мотивация деңгейі өте жоғары, төрт оқушының мотивация деңгейі орташа және үш оқушы тұрақсыз (кейде төмен) нәтиже көрсететіні анықталған болатын.  Осындай үш оқушыға менің бұрынғы қолданған «оқытудың дәстүрлі әдіс-тәсілдер» тиімсіз болды. Осыған орай, химия сабақтарында оқушылардың пәнге деген қызығушылықтарын арттыруға ықпал ететін әдіс-тәсілдермен [1] танысып оларды тәжірибеде қолдану оқытудың стратегияларын зерттеуге түрткі болды.  [2] 

Мектептің психологиялық қызметінің «сынып картасына» [3] сәйкес  менің пәнімнен қиындықтары бар оқушылар сангвиниктер. М мен Ж оқушылары  – кинестетиктер,  оларға ойлаудың көрнекі-бейнелі типі сәйкес келеді, бірақ Ж түрлі интеллект түрімен ерекшеленетіндіктен сабақта ерекше көңіл бөлуді қажет ететін оқушы. Ал Н мен А оқушылары – визуал, олардың ойлау типтері көрнекі-бейнелі екендігі анықталды. [4] Осылайша, зерттейтін сабақтың тиімділігін  бағалаудың бір түрі осы оқушылардың жұмыс нәтижелері болмақ.