AZƏRBAYCANDA İNSAN KAPİTALININ İDARƏ EDİLMƏSİ: NORMATİV-HÜQUQİ BAZA, İNSTİTUSİONAL MEXANİZMLƏR VƏ PROBLEMLƏRİN ELMI TƏHLİLİ

Abstract

Bu məqalə Azərbaycanda insan kapitalının idarə edilməsinin normativ-hüquqi bazasını, institusional mexanizmlərini və mövcud problemləri elmi-analitik yanaşma ilə qiymətləndirir. Tədqiqatın məqsədi insan kapitalının inkişafına yönəlmiş qanunvericiliyin, dövlət strategiyalarının və proqramların sistemlilik dərəcəsini araşdırmaq, həmçinin əmək, təhsil və sosial müdafiə sahələrində tətbiq olunan idarəetmə mexanizmlərinin effektivliyini müəyyənləşdirməkdir. Analiz göstərir ki, Azərbaycan Respublikası insan kapitalının inkişafını prioritet istiqamət kimi müəyyən etmiş, “Azərbaycan 2030” strategiyası, təhsil və məşğulluq islahatları, sosial rifah proqramları kimi geniş normativ-hüquqi sənədlərlə bu sahədə institusional çərçivəni formalaşdırmışdır. Bununla yanaşı, müxtəlif sahələr üzrə səlahiyyət bölgüsündə koordinasiya problemləri, hüquqi tənzimləmədə bir sıra boşluqlar, insan kapitalının qiymətləndirilməsi və monitorinqi üzrə vahid mexanizmlərin yetərsizliyi mövcuddur. Tədqiqatın nəticələri göstərir ki, insan kapitalı idarəçiliyinin effektivliyinin artırılması üçün mövcud normativ hüquqi çərçivənin təkmilləşdirilməsi, institusional əlaqələndirmənin gücləndirilməsi və nəticəyönümlü idarəetmə alətlərinin tətbiqi zəruridir. Məqalə insan kapitalının inkişafının davamlı iqtisadi sosial tərəqqi üçün strateji əhəmiyyətini vurğulayaraq, müasir çağırışlara adekvat idarəetmə modelinin formalaşdırılması ilə bağlı elmi əsaslandırılmış tövsiyələr təqdim edir.