МЕКТЕП МАТЕМАТИКА КУРСЫНДА ҚОЛДАНБАЛЫ БАҒЫТТАҒЫ ЕСЕПТЕРДІ ОҚЫТУДЫҢ ҚАЖЕТТІЛІГІ
Abstract
Математика ғылымының адамзат мәдениетінің даму тарихындағы орны ерекше екені баршамызға мәлім. Ол қоршаған әлемді танудың кілті ретінде ғылыми-техникалық прогрестің негізі болып табылады.
Математикалық білім мен дағдылар жаратылыстану ғылымдарымен, техникамен, экономикамен байланысты және тағы сол сияқты көптеген кәсіптерде қажет. Алайда математика дәстүрлі түрде «математикалық емес» — мемлекеттік басқару, медицина, лингвистика және басқа да салаларға қажеттілігін мойындауымыз керек. Дәрігерге, тарихшыға, лингвистке математикалық білім мен математикалық ойлауды қолдану қажеттілігі сөзсіз, математикалық білім біздің заманымыздағы кәсіби қызмет үшін өте маңызды.
Қазіргі заманғы математикалық білім беруді модернизациялау – мектептегі математика курсының қолданбалы бағытын күшейту, яғни оның мазмұны мен оқыту әдістемесін практикамен байланыстыру болып табылады. Математиканы оқытудың қолданбалы бағыты ол жаңалық емес, оның қалыптасуы мен дамуының барлық кезеңдері көптеген мәселелермен байланысты болғанымен, олардың кейбіреулері әлі шешілмеген. Мектеп математикасында қолданбалы бағыттағы есептердің мазмұны заманауи тұрғыдағы динамикалық және математикалық теорияның үнемі дамуымен тығыз байланысты болмақ, ол тарихтың әрбір жаңа кезеңімен қайта ойластыруды және түзетуді талап етеді. Бұл туралы ұмытпауымыз керек. Оқушылардың болашақ іс-әрекетінде математиканы қолданудың барлық аспектілерін болжау мүмкін емес, тіпті мектепте осы сұрақтардың барлығын қарастыру қиын [1].
