AZƏRBAYCANDA AQRAR SEKTORDA İNFORMASİYA-KOMMUNİKASİYA TEXNOLOGİYALARINDAN İSTİFADƏNİN MÖVCUD VƏZİYYƏTİ
Abstract
Ölkəmizdə aqrar sahənin inkişafının sürətləndirilməsi və burada olan mövcud imkanlardan istifadə olunması vacib şərtlərdəndir. Aqrar sahə hazırda kifayət qədər geniş əraziləri, resursları və məşğulluq baxımından çoxlu sayda fəaliyyət istiqamətlərini özündə birləşdirir. Kənd təsərrüfatının müxtəlif, həm də kifayət qədər vacib olan sahələrinin inkişaf problemləri, bu sahənin texnika və müasir texnologiyalarla təminatı məsələləri, emal müəssisələrinin yaradılması, istehsal və emal zənciri üzrə proseslərin səmərəliliyinin təmin olunmasından bütövlükdə aqrar sahənin nə dərəcədə məhsuldar fəaliyyət göstərməsi və rasionallığı mümkünləşir. Düzdür, son illərdə aqrar sahənin tərkib hissəsi kimi meşə təsərrüfatı və balıqçılıq da baxılır və bunlar aqrar sahənin fəaliyyət dairəsinin genişliyindən, eyni zamanda resurs potensialının müxtəlifliyindən irəli gəlir. Bizim tədqiqat işində başlıca məqsədimiz aqrar sahədə İKT-nin iqtisadi səmərəliliyinin artırılması istiqamətlərinin müəyyənləşdirilməsi olduğundan, geniş spektrdə və bütün istiqamətlər üzrə təhlillərin aparılması və adekvat olaraq qiymətləndirilməsi mürəkkəb vəzifədir. Bu amillərdən çıxış edərək, ən azından aqrar sahənin fəaliyyətində ciddi önəm kəsb edən istiqamətlərin təhlilinə, o cümlədən kənd təsərrüfatı üzrə ümumi göstəricilərin müəyyən hissəsinə, mühüm aqrar məhsullarla özünütəminetmə səviyyəsinə və s. bu kimi göstəricilərin dinamikasının baxılmasına və müqayisəli təhlilinə üstünlük vermişik.
