MAMLAKATIMIZ INNOVATSION SALOHIYATI HOLATI TAHLILI VA UNDAN FOYDALANISH DARAJASINI BAHOLASH USLUBIYATI

Abstract

Davlatning innovatsion salohiyati bugungi kunda uning jahon miqyosidagi raqobatbardoshligi va texnologik yetakchiligini belgilovchi asosiy mezonlardan biri hisoblanadi. Innovatsion salohiyat deganda, milliy iqtisodiyotning turli ilmiy-texnika ixtirolar, yangi ishlanmalar, innovatsion mahsulotlar yaratish va ishlab chiqarishga tatbiq etish qobiliyati tushuniladi. Innovatsion faoliyatni olib borish uchun zarur bo‘lgan moddiy, mehnat, ilmiy-texnika, ijtimoiy, huquqiy, axborot resurslar va shart-sharoitlar yig‘indisi davlatning innovatsion salohiyatini tashkil etadi.

Zamonaviy rivojlanish bosqichida bu kabi vazifalarni hal etishni innovatsion faoliyatni jonlantirishga yo‘naltirilgan sharoitlarni yaratmasdan amalga oshirib bo‘lmaydi. Innovatsiyalarni rivojlantirishda asosiy rol fundamental tadqiqotlar olib boradigan, mutaxassislar tayyorlaydigan, ilmiy hamkorlik va almashinuv uchun shart-sharoitlarni ta'minlovchi, yangi kompaniyalarning paydo bo‘lishiga hissa qo‘shadigan universitetlarga tegishlidir. Ilmiy innovatsiyalarda, fundamental tadqiqotlar va ilmiy ta'limini davlat tomonidan moliyalashtiradigan mamlakatlar muvaffaqiyatga erishadi.