RƏQƏMSAL TRANSFORMASIYA ŞƏRAITINDƏ ELEKTRON DÖVLƏT VƏ ELEKTRON DEMOKRATIYA

Abstract

Bu məqalədə rəqəmsal transformasiya şəraitində elektron dövlət və elektron demokratiyanın nəzəri, metodoloji və tətbiqi çərçivələri geniş şəkildə təhlil edilmişdir. Araşdırmada elektron dövlətin idarəetmə proseslərinə təsiri, xidmətlərin rəqəmsallaşdırılması, vətəndaş məmnuniyyətinin formalaşması və informasiya təhlükəsizliyi məsələləri sistemli yanaşma ilə qiymətləndirilmişdir. Elektron demokratiyanın ictimai iştirak imkanlarını genişləndirdiyi, qərarvermə prosesini şəffaflaşdırdığı və dövlət–cəmiyyət əlaqələrini gücləndirdiyi göstərilmişdir. Məqalədə həmçinin müxtəlif ölkələrin təcrübələri müqayisəli şəkildə araşdırılmış və Azərbaycan üçün aktual olan problemlər və inkişaf perspektivləri müəyyən edilmişdir. Təhlil nəticəsində məlum olmuşdur ki, rəqəmsal idarəçilik yalnız texnoloji yenilənmə deyil, həm də sosial, hüquqi və təşkilati mühitin kompleks dəyişməsi ilə müşayiət olunan çoxşaxəli prosesdir. Eyni zamanda kibertəhlükəsizlik, rəqəmsal savadlılıq, infrastruktur bərabərsizliyi və ictimai iştirak səviyyəsi kimi məsələlər elektron dövlət və elektron demokratiyanın davamlı inkişafına birbaşa təsir edən əsas amillər kimi qiymətləndirilmişdir. Məqalənin sonunda mövcud vəziyyət əsasında səmərəli tətbiq üçün nəzərdə tutulan təkliflər təqdim edilmişdir.