Еңбектегі гендерлік теңсіздік: Қазақстандағы әйелдердің ақы төленбейтін жұмысы Өтеген Құндызай Әмірбекқызы

Abstract

Еңбекке араласу, жұмыс істеп, мансап қуу – әр адамның қалауындағы дүние. Ер де, әйел де өзі армандаған мамандығы бойынша жұмыс істеуге әрі сол еңбегі үшін ақы алуға құқылы. Таңдаған саласындағы білікті маман болып, әрекетіне қарай мансап жолында көтерілу де ешқандай жыныс таңдамайды. Тіпті түрлі қиындықтағы жұмысты істеу де әр адамның таңдауына қарай болады. Алайда әлемде ерлер мен әйелдердің қызметте өсуінде, оларға төленетін жалақыда, жұмыс түрінде, т.б. еңбекке қатысты дүниелерде түрлі мәселелер туындап жатады. Әсіресе, әлемде ақы төленбейтін жұмыстар деген мәселемен әлі күнге әйелдер бетпе-бет келіп жүр. Бұл мәселе қазақстандық әйелдерді де айналып өтпейді. Осы ғылыми мақалада әйелдерге ақы төленбейтін еңбек туралы баяндаймыз.