ƏDƏBİYYAT DƏRSLƏRİNDƏ ŞAGİRDLƏRİN TƏNQİDİ TƏFƏKKÜRÜNÜN İNKİŞAF ETDİRİLMƏSİ ÜZRƏ İŞİN ƏSAS İSTİQAMƏTLƏRİ VƏ METODLARI

Abstract

Müasir təhsil sistemində tənqidi təfəkkürün inkişafı əsas hədəflərdən biridir. Ədəbiyyat dərsləri bu bacarıqların inkişaf etdirilməsi üçün ən əlverişli mühitlərdən biridir. Məqalədə tənqidi təfəkkürün əsas komponentləri, onun ədəbiyyat dərslərində formalaşdırılması yolları və bu məqsədlə istifadə olunan pedaqoji metodlar araşdırılır. Sokrat dialoqu, debatlar, analitik yazı tapşırıqları, müqayisəli təhlil və rollu oyunlar kimi metodlar şagirdlərin mətnləri daha dərindən qavramasına, fərqli baxış bucaqlarını müqayisə etməsinə və öz fikirlərini əsaslandırmasına kömək edir. Ədəbi əsərlərin tənqidi yanaşma ilə öyrədilməsi, şagirdlərə mətnlərin alt mənalarını dərk etməyi və yaradıcı yanaşmalar formalaşdırmağı öyrədir. Məqalədə bu metodların şagirdlərin yalnız ədəbiyyatı deyil, eyni zamanda həyatı daha dərin və analitik şəkildə anlamaq bacarıqlarını artırdığı vurğulanır.