E.HÜSEYNBƏYLİNİN “FİRUZƏ QAŞLI XƏNCƏR” HEKAYƏSİNİN TƏDRİSİ

Abstract

Ümumtəhsil məktəblərinin 5-ci sinfi üçün Ədəbiyyat fənni üzrə dərslikdə “Müharibə və insan haqqı” adlı bölmədə yer alan əsərlərdən biri də E.Hüseynbəylinin “Firuzə qaşlı xəncər” hekayəsidir. Xocalı faciəsinin dəhşətlərindən bəhs olunan əsərdə Zeynəb adlı ananın körpə balasını erməni cəlladlarından qoruması, qarlı meşələrdən keçərək öz yaxınlarına qovuşması təsvir olunur. Hekayənin tədrisinə 3 saat ayrılmışdır. İlk iki dərsdə məzmun üzrə iş aparılır, üçüncü dərsdə isə əsər təhlil edilir, obrazlara şagirdlər tərəfindən münasibət bildirilir, onları səciyyələndirən xarakterik xüsusiyyətlər müəyyənləşdirilir. Əsərin tədrisi fəal dərsin mərhələləri üzrə aparılır, hər bir mərhələyə ayrıca diqqət yetirilir.