ДИЕТАЛЫҚ КОНДИТЕРЛІ ҰННАН ЖАСАЛҒАН ҮГІЛМЕЛІ ПЕЧЕНЬЕ ӨНІМІНІҢ ФИЗИКА-ХИМИЯЛЫҚ КӨРСЕТКІШТЕРІН ТАЛДАУ

Abstract

Ұннан жасалған кондитерлік өнімдер өндірісі – өндірісті автоматтандырумен және механикаландырумен, сондай-ақ, ассортименттің едәуір кеңеюімен, жаңа технологияларды пайдаланумен, олардың сапасы мен қауіпсіздігін бағалаудың жаңа қолданыс аясымен сипатталады.

Жалпы қоғамдық тамақтандыру кәсіпорындарында және мамандандырылған кондитерлік цехтарда ұнды кондитерлік өнімдерінің кең ассортименті өндіріледі. Ұннан жасалған кондитерлік өнімдер әртүрлі құраммен және пішінмен шығарылады. Өнімдердің сол тобына кекстер мен торттар, печенье мен пряник, төмен калориялы өнімдер, тоқаш өнімдері, тәттілері және ұлттық кондитерлік өнімдер жатады.

Ұнды кондитер өнімдерінің шикізаттарының сапасының төмендеуі және денсаулыққа пайдалы болатын компоненттердің аздығы болсын бүгінгі таңда кездесіп жатыр. Осы атаулы мәселелердің алдын алу үшін менің жұмысымда сұлы ұны мен зығыр ұны өнімдерін пайдалану арқылы тағамдық құндылығын жоғарылатамыз.

Жасалған осы жұмыс барысында «Сырғалым» сұрыпты сұлы және бірінші сұрыпты зығыр ұндары қолданылды. Олардың мөлшері 10, 15, 20 % аралығында қолданылды. Нәтижесінде бақылау үлгісінен кем түспейтін 15 % «Сырғалым» сұрыпты сұлы және бірінші сұрыпты зығыр ұндары қосылған өнім ең тиімді нұсқа деген шешім қабылданды.

Печенье өнімін жасаған кезде шикізаттардан бастап, жартылай фабрикаттар мен дайын өнімінің сапалық көрсеткіштері анықталды. Тиімді печенье мен бақылау өнімінің тағамдық құндылығы талданып, «Сырғалым» сұрыпты сұлы және бірінші сұрыпты зығыр ұндарымен жасалған дайын өнімнің органолептикалық көрсеткіштері жақсы, тағамдық және биологиялық құндылығы едәуір жоғарланғаны белгілі болды. Сонымен қатар, физика-химиялық көрсеткіштері Алматы технологиялық университеті, «Азық-түлік өнімдерінің сапасы мен қауіпсіздігін бағалау жөніндегі ғылыми-зеттеу зертханасында» анықталды.