Ақпаратты қорғаудың криптографиялық құралдары

Abstract

Қазіргі уақытта ақпараттық қауіпсіздік және ақпараттық қорғау ұғымдарының рөлі анағұрлым өсуде. Бұл ақпарат көлемінің және жалпы ағында тасымалданатын мәліметтердің саяси, экономикалық (нарықтық) маңызды ақпарат  үлесінің динамикалық көбеюіне байланысты. Сондықтан, бүгінде ақпараттық технологиялар саласында қызмет істейтін қазіргі заманғы білікті маман ақпараттық қауіпсіздік обылысында негізгі ережелерді білуі және пайдалана алуы қажет.

Мақалада симметриялық алгоритмдердің көптеген мысалдары келтірілген және С# тілінде программалар құрастырылған .

Шифрлау – ашық мәтіндік деректерді (ашық мәтінді) кездейсоқ және мағынасыз болып көрінетін нәрсеге (шифр) түрлендіру процесі. Шифрды шешу – шифрленген мәтінді ашық мәтінге қайта түрлендіру процесі.

Әрбір шифрлау алгоритмінің мақсаты кілтті пайдаланбай жасалған шифрлық мәтіннің шифрын ашуды мүмкіндігінше қиындату болып табылады. Егер шынымен жақсы шифрлау алгоритмі қолданылса, онда әрбір ықтимал кілтті әдістемелік түрде сынап көруден жақсы әдіс жоқ. Мұндай алгоритм үшін кілт неғұрлым ұзағырақ болса, соғұрлым кілтке ие болмай шифр фрагментін ашу қиынырақ болады.

Көптеген әртүрлі шифрлау жүйелері бар. Оларға әскери істерде, дипломатиялық қызметте, жалпы хат алмасудың мазмұнын құпия сақтау қажет болған жағдайларда жүгінеді. Мәтінді шифрлауды адамзат бірінші құпия ақпарат пайда болған сәттен бастап қолданады, яғни ол арналмаған адамдар үшін қол жетімсіз болуы керек.