АТА-АНАНЫ ҚҰҚЫҚТАРЫНАН АЙЫРУ БОЙЫНША ШЫҒАРЫЛАТЫН ҚОРЫТЫНДЫ АЗАМАТТЫҚ СОТ АКТІЛЕРІ

Abstract

Қазақстан Республикасының Конституциясында: «...неке мен отбасының, ата-ананың, баланың мемлекеттің қорғауында болатыны және балаларына тәрбие беру мен қамқорлық жасау – әрбір ата-ананың құқығы мен міндеті»-екендігі баса айтылған [1] .

Мемлекет баланың құқықтары мен қоғамдық мүдделерді қорғай отырып, отбасының бірлігі қағидатын қамтамасыз ете отырып, жазалау шараларын жеңілдетпейді. Қазақстандағы ауданаралық кәмелетке толмаған жасөспірімдердің ісін қарайтын ювеналды соттардың соттылығына қатысты неке және отбасылық істер санаттарының арасында ата-аналық құқықтан айыру туралы азаматтық істер алдыңғы қатарда тұр деп айтсақта болады.

Ата - ана құқығын беру де одан айыру да - құқықты қорғаудың процедуралық әдісі, ата-ана құқығын беру кәзіргі кезеңде Халыққа қызмет көрсету орталығында жүзеге асатын іс болса, ата-аналық құқықтан айыру бұл кәмелетке толмағандардың құқығын сот арқылы қорғау болып табылады, өйткені оны сотқа жүгіну арқылы ғана жүзеге асыруға болады. Ол азаматтық іс жүргізу нормалары бойынша ерекше өндіріспен қаралады [2].