Sağlamlıq imkanları məhdud məktəbəqədər yaşlı uşaqların nitq inkişafının xüsusiyyətləri

Abstract

     Əgər biz “Ontogenez” anlayışını daha dar çərçivədə gözdən keçirəriksə görərik ki, ondan ilk səsin yaranmasından başlamış geniş kontekstli nitqin yaranmasına qədər olan dövrü göstərmək üçün istifadə olunur.

     Nitqin “Ontogenez” inkişafı dedikdə insanın nitqinin formalaşdığı bütün dövr, onun nitqinin ilk inkişaf anından etibarən mükəmməlləşmə səviyyəsinə qədər, yəni ana dilinin tam şəkildə ünsiyyət və təfəkkür vasitəsinə çevrildiyi dövr nəzərdə tutulur.

      Nitq anadangəlmə olmur. O, uşağın umumi inkişafının göstəricisi olaraq fiziki və əqli inkişafla paralel ontogenez prosesində inkişaf edir. Uşağın ana dilini mənimsəməsi, bütün uşaqlar üçün xarakterik olan bir sıra əlamətləri ilə, çox dəqiq qanunauyğunluqla inkişaf edir. Nitq patalogiyasını müəyyən edərək düzgün korreksion-tərbiyəvi işin təşkili üçün uşaqların nitqinin ardıcıllıqla inkişaf yollarını, bu prosesin qanunauyğunluqlarını və şəraitini bilmək lazımdır.