АМАНГЕЛДІ ШАХИН – ШАҒЫН ЖАНРДЫ ДАМЫТУШЫ ҚАЛАМГЕР

Abstract

Әдеби өлкенің көрнекті өкілі ақын, жазушы, журналист Аманкелді Шахин өлең-сөзге жастай қалам тербеп, кейіннен тәжірибесі толыса келе толыққанды қаламгерге айналды. Туған жер, елге деген құрмет, жастық шаққа тән ашық жарқын көңіл, пәлсапалық дүниетаным, қоршаған орта тынысын танытар рухани туындылары арқылы әдебиет әлеміне өзіндік жол сала білді. Әр жылдары Аманкелді Шахиннің «Мәңгі көктем» (1999) [1], «Сол бір сүргін» (2002) [2], «Езуіңді жи» (2003) [3], «Жайсаңдары-ай, Жайықтың» (2005) [4], «Жарқ еткен дәурен» (2009) [5], «Тілім қышиды» (2012) [6] аталатын өлең-жырлар мен балладалардан, шағын әңгімелер мен деректі хикаялардан, новеллалардан құралған жинақтары, тарихи-деректі публицистикалық кітаптары жарық көрді.