Kitabi-Dədə Qorqud dastanlarının somatik frazeologiyasının quruluşu

Abstract

Dədə Qorqud dastanlarının frazeologiyasını Azərbaycan dilçiliyində ilk dəfə olaraq H. Bayramov tədqiqata cəlb etmişdir. O, dastanlarda üç yüzdən artıq frazeoloji vahidin olduğunu qeyd edərək onları abidənin mətnində və müasir dilimizdə işlənilmə tezliyinə və özəlliklərinə görə dörd qrupa bölmüşdür:

1) heç bir məna dəyişikliyinə uğramadan müasir dilimizdə işlənənlər;

2) mənaca eyni olub, yalnız komponentlərindən biri arxaik səciyyə daşıyanlar; 3)komponentlərindən biri həm ilk mənbədə, həm də müasir dilimizdə işlək sözlərdən ibarət olmaqla eyni məna ifadə edənlər;

4) müasir dilimiz üçün arxaik səciyyə daşıyanlar [1,28-31].