ФИЗИКАНЫ ОҚЫТУДА ТАНЫМДЫҚ ҚЫЗЫҒУШЫЛЫҚТЫ ДАМЫТУ

Abstract

Қазіргі жаңартылған мазмұнға сәйкес орта мектептерде, жаратылыстану пәндерін, атап айтсақ, физиканы оқытуда оқушыларға заман талабына сай жаңа талаптар қойыла бастады. Бұл талаптардың бірі оқушылардың жаратылыстану білімдері бойынша танымдық қызығушылықтарын қалыптастыру болып табылады. Аталған талаптарды тиімді іске асыру оқытудың жаңа әдіс-тәсілдері мен оқыту құралдарын оқу үдерісіне енгізуді қажет етеді. Мақалада танымдық қызығушылық ұғымының сипаттамалары, физиканы оқытудағы оқушылардың танымдық қызығушылығын қалыптастырудың ерекшеліктері келтірілген. Сонымен қатар, phet модельдеу бағдарламасының танымдық қызығушылыққа әсері айқындалған. Зерттеу барысында ғылыми еңбектере талдау, білім беру бағдарламаларын зерделеу мен бақылау әдісі қолданылды. Зерттеудің нәтижесі физика сабағында оқушылардың танымдық қызығушылығының көрсеткіштерін айқындауға, танымдық қызығушылыққа өзіндік анықтама беруге және phet модельдеу бағдарламасының тиімділігін бағалауға мүмкіндік берді. Зерттеу нәтижелерін орта және жоғары оқу орындарында физиканы оқыту барысында қолдану ұсынылады. Сонымен бірге, мақалада келтірілген мәліметтер болашақта осы саладағы зерттеулер үшін әдіснамалық негіз болып табылады